ग्रामविकास मध्ये आपले स्वागत आहे.

जल संपदा- गेल्या काही वर्षांत पडत असलेल्या दुष्काळाला तोंड देण्यासाठी जलसंपदा विषयात प्रत्यक्ष काम सुरू आहे. जलसंधारणाच्या माध्यमातून पिण्याच्या पाण्याची , शेती व जनावरांची पाण्याची व्यवस्था करण्यावर प्रामुख्याने काम केले आहे व सुरू आहे, यामुळे शेकडो एकर जमीन ओलिताखाली आली तसेच असंख्य जनावरांना पाण्याची वर्षभर व्यवस्था करायला सोपे झाले तसेच अनेक गावांमध्ये पर्जन्यमापक च्या साह्याने पावसाच्या पाण्याची मोजणी करण्यात येते त्यामुळे पाण्याचा आराखडा करायला गावात सोपे जाते.

भु संपदा- जमिनीची सुपीकता वाढवणे, उत्पादन खर्च कमी करणे, विषमुक्त (सेंद्रिय) अन्न निर्मिती करण्यासाठी नैसर्गिक /विषमुक्त शेतीचे प्रयोग ग्रामविकास च्या माध्यमातून सुरू आहेत, तसेच नैसर्गिक कीड नियंत्रक, जीवामृत, सेंद्रिय खत निर्मिती आदी विषयांचे प्रशिक्षण गावागावात दिले जाते.

वन संपदा - दरवर्षी ग्राम विकासाच्या गावात वृक्षारोपण व वृक्ष संवर्धनाचे विविध उपक्रमांचे आयोजन केले जाते. गावामध्ये विषमुक्त परसबागेसाठी देशी बी- बियाणांचे वाटप करून बीज बँक करण्यात येते , अनेक गावांमध्ये औषधी वनस्पती, शेतीपूरक वृक्षांची माहिती व प्रशिक्षण दिले जाते, पडसाळी जिल्हा कोल्हापूर येथे देवराई संरक्षण उपक्रम सुरू झाला आहे.

गो संपदा- अनेक गावांमध्ये प्रत्येक घरी देशी गोमातेचे पालन करण्यासाठी विशेष प्रयत्न ग्रामविकाच्या माध्यमातून सुरू आहेत. शेतकऱ्यांसाठी गो आधारित वस्तू निर्मिती व गो आधारित शेती प्रशिक्षण वर्गाचे आयोजन केले जाते. गावामध्ये वसुबारसेच्या दिवशी गो पूजनाचे कार्यक्रम मोठ्या उत्साहामध्ये साजरे केले जातात, कानडगाव परिसरामध्ये माझी (देशी) गाय माझी माय उपक्रमा अंतर्गत विविध स्पर्धांचे आयोजन केले जाते. समस्त गोसेवक गो पालकांसाठी प्रांत स्तरावर गो- ग्राम परिषदेचे आयोजन केले जाते.

ऊर्जा संपदा - ऊर्जा संपदेमध्ये नैसर्गिक ऊर्जेचा वापर करण्यासाठी लोकांमध्ये जागृती करण्यात येते यामध्ये सौर ऊर्जेचा वापर वाढवणे, वृक्षतोड थांबवणे, बायोगॅसचा वापर करणे, शेतीसाठी सौर पंप वापरणे इत्यादीसाठी काम केले जाते.

जीव संपदा - जमिनीत असंख्य प्रकारचे जीव आहेत ,जे मानवाच्या हिताचे आहेत या मध्ये जिवाणू आहेत गांडूळ आहेत यांचे संवर्धन ग्रामविकास च्या माध्यमातून केले जाते या साठी जीवामृत चे प्रशिक्षण दिले जाते गांडूळ बेड या विषयावर मार्गदर्शन केले जाते.

आरोग्य - गावामध्ये आवश्यकतेनुसार आरोग्य शिबिरे हिमोग्लोबिन तपासणी, रक्तदान, नेत्र तपासणी इत्यादी, कार्यक्रमाचे आयोजन करून गावाचे आरोग्य उत्तम राखण्याचा प्रयत्न केला जातो. त्याचबरोबर आरोग्य विषयातील सहयोगी संस्था, वैद्यकीय विद्यार्थी व डॉक्टर्स यांच्या सहकार्याने अनेक गावांमध्ये आरोग्य शिबिरे व आरोग्य जागृती केली जाते.

संस्कार - गावातील वातावरण संस्कार युक्त राहण्यासाठी अनेक गावांमध्ये संस्कार वर्ग चालवले जातात, तसेच ग्रामगीता पठण, हनुमान चालीसा, सामूहिक खेळ इत्यादी उपक्रम नियमित शालेय विद्यार्थ्यांसाठी चालवले जातात मुलींसाठी किशोरी विकास प्रकल्प राबवले जातात.

स्वावलंबन - गावामध्ये कृषी आणि लघुउद्योग प्रशिक्षणाद्वारे विविध व्यवसाय सुरू करणे, उदाहरणार्थ मसाले, विविध प्रकारचे पीठ बनवणे, प्रक्रिया उद्योग व गो आधारित वस्तू निर्मिती व त्यांची विक्री, गटशेती, बचत गट, व्यवसाय मार्गदर्शन या माध्यमातून हे होते. गावामध्ये पारंपारिक गोधडी शिलाई, फळ प्रक्रिया उद्योग यांचे प्रशिक्षण सुरू झाले आहे काही गावांमध्ये त्याचे उत्पादनही सुरू आहे कारभारवाडी जिल्हा कोल्हापूर येथे शेतकरी कंपनीच्या माध्यमातून सेंद्रिय गुळ निर्मिती प्रकल्प सुरू झाला आहे.